Një grua nga Komuna e Rahovecit, e cila punon si motër medicionale në Spitalin e Prizrenit është infektuar nga virusi COVID-19, shkruan Insajderi.
E njëjta, pas kontaktit me familjarët ka infektuara edhe ata.
Por, fillimisht kur iu është bërë testi familjarëve të saj (vëllezërit) kanë rezultuar negativë, teksa babai i saj pozitiv. Ndërsa mbrëmë ndodhi e kundërta, në ritestim babai i saj ka rezultuar negativ teksa pjesa tjetër e familjes pozitivë.
Kështu ka konfirmuar për Insajderin, drejtori i Shëndetësisë në Komunën e Rahovecit, Saimir Mustafa.
“Rastet që kanë dalë mbrëmë 4 pozitivë, janë raste ri-testimi, para dy jave që e kanë bërë testin kanë dalë negativë mbrëmë kanë dalë pozitivë, janë raste kontakti – familjar, ku motra e tyre, e cila punon si motër medicionale është infektuar në repartin e Hemodializës në Prizren. Herën e parë babai ka dalë pozitiv, teksa mbrëmë babai ka dalë negativ, ndërsa pjesa tjetër e familjes pozitivë”, ka thënë Mustafa për Insjaderin.
Mustafa ka pohuar se gjendja e përgjithshme në Rahovec është e qetë dhe stabile.
“Gjendja e përgjithshme në Rahovec është e qetë, stabile nën kontroll”, ka shtuar ai.
Në Komunën e Rahovecit deri tani janë konfirmuar 28 raste me koronaviru, teksa në nivel vendi gjithsej të infektuar me COVID-19 janë 927 persona, teksa janë shëruar 671 e kanë vdekur 29 të tjerë/GazetaInsajderi