Kryeministri, Hashim Thaçi, e ka bërë të qartë se Kosova nuk do të mbetet viktimë e të kaluarës dhe nuk do të merret më me armikun e të kaluarës.
“Sot, Kosova është një vend i pavarur dhe ka një synim të qartë: Integrimin në BE dhe në NATO… Vizioni ynë është që Kosova në të ardhmen e afërt të ketë edhe ulësen e saj si shtet i pavarur në OKB”, deklaroi Thaçi për Al Xhazira.
Kryeministri i Kosovës shtoi se do të ketë probleme në implementimin e mëtutjeshëm të marrëveshjes, por i quajti iluzione teoritë për ndarjen e Kosovës apo për një “Republika Srpska” në Veri, pasi beson se marrëveshja është funksionale dhe garanton integritetin territorial të Kosovës.