Me rastin e 5 Qershorit-Ditës Ndërkombëtare të Mjedisit, drejtoria për Urbanizëm, Planifikim dhe Mbrojtje të Mjedisit(UPMM) në komunën e Rahovecit shpall konkurs publik për:
1.Kopshtin më të rregulluar dhe llojshmëritë të florës;
2.Ballonin më të pastër dhe të pasur me lule;
3.Rruga më e pastër dhe ekologjike.
Të drejtë konkurrimi kanë qytetarët e komunës së Rahovecit, të cilët mendojnë se i plotësojnë kushtet për të qenë pjesë e këtij projekti ekologjik.
Të interesuarit për aplikim duhet të aplikojnë me shkrim dhe foto të objekti, rrugës dhe kopshtit.
Aplikacionet dorëzohen në Sektorin e Mjedisit në drejtorinë për Urbanizëm, Planifikim dhe Mbrojtje të Mjedisit.
Fituesi do të shpërblehet me dhurata modeste nga ana e drejtorisë së Urbanizmit, Planifikimit dhe Mbrojtje të Mjedisit.
Konkursi mbetet i hapur në publik në uebfaqen zyrtare të komunës së Rahovecit, nga data 22 Maj 2020 deri me 4 Qershor 2020.
Ceremonia e ndarjes së dhuratave do të organizohet me 5 Qershor në Ditën Ndërkombëtare të Mjedisit.