Kryetari i AAK-së, Ramush Haradinaj, ka përkujtuar 27 martirët të cilët kanë rënë në masakrën e Tusuzit të Prizrenit, 21 vjet më parë.
Haradinaj ka thënë se Kosova ka pagu çmim të lartë për liri dhe është përgjegjësi e jona që të cojmë drejtësinë në vend për dënimin e të gjitha krimeve serbe.
“Të vetëdijshëm se po e humbin luftën, në fundin e majit të vitit 1999, forcat serbe vazhduan gjenocidin mbi shqiptarët në Kosovë. Pak javë para Çlirimit, u ekzekutuan njëzeteshtatë shqiptarë të pafajshëm në lagjen Tusuz të Prizrenit. Kosova ka pagu çmim të lartë për liri dhe është përgjegjësi e jona që të çojmë drejtësinë në vend për dënimin e të gjitha krimeve serbe. Lavdi të rënëve për lirinë e Kosovës!” ka shkruar Haradinaj në Facebook.