Zëvendëskryeministrja Albulena Balaj-Halimaj, pas lajmit për vdekjen e bashkëpunëtorit dhe shokut të saj Albert Krasniqit, thotë se është shumë e dhimbshme dhe e pabesueshme që ai më nuk është në jetë.
Ajo e ka kujtuar Krasniqin si person shumë energjik dhe motivues.
Kaq i dhembshëm lajmi për vdekjen tënde Albert! E pabesueshme që nuk do të takohemi sot e të pimë kafe bashkë. Përveç bashkëpunëtor, të kisha edhe shumë shok. Nuk guxoj të ta them që nuk ta fal që ike kështu, ndërkohë që jam e detyruar…! Alberti punonte me ne në Grupin Parlamentar në mandatin e kaluar, ndërsa energjia dhe forca e tij ishte motiv për ne”, ka shkruar Balaj-Halimaj.
Përmes një postimi në “Facebook” zëvendëskryeministrja u ka shprehur ngushëllime familjes dhe bashkëpunëtoreve të Albertit.
“Albert, do të mbetesh përherë në kujtesën tonë si djalë me virtyte të larta njerëzore dhe i përkushtuar ndaj punës, si djalë i jashtëzakonshëm. Ngushëllime familjes Krasniqi, miqve dhe gjithë anëtarësisë”, u shpreh në fund Balaj-Halimaj.