Kryetari i komunës së Suharekës, Bali Muharremaj, ka thënë se gjendja me pandeminë në komunën që udhëheq ai është e qetë dhe stabile.
“Kemi diku 44-45 raste aktive, por gjendja është nën kontroll, e kemi të mbuluar komplet territorin e komunës, kemi gati edhe një repart me 20 shtretër”, ka njoftuar Muharremaj.
I pari i Suharekës në një lidhje direkte në Mëngjesi në Kanal10, ka folur edhe projektet që do të realizohen në këtë komunë, duke veçuar ndërtimin e sheshit, i cili siç tha ai, do të ndërtohet deri kah fundi i nëntorit.
