Alphonso Davies është padyshim një nga zbulimet e këtij sezoni. 19 vjeçari ishte një ndër lojtarët më të mirë të Bayernit të Munich në fitoren ndaj Lyon 3-0, triumfi i cili i siguroi kalimin në finalen e Ligës së Kampioneve.
Një ëndërr kjo edhe për Davies që filloi në një kamp refugjatësh në Gana, ku tashmë e sheh vetën mes më të mirëve të Europës.
Mbrojtësi e ka cilësuar këtë moment si diçka të jashtëzakonshme, duke deklaruar se ndihet si në videolojë. Një ëndërr e pabesueshme për futbollistin e talentuar.
“Më duket sikur jam në videolojë! Për mua është diçka e pabesueshme arritja në finalen e Champions-it. Një ëndërr që po realizohet. Nuk e konsideroj veten si një nga më të mirët në botë”, tha ndër të tjera Dejvis.
Një fakt interesant është që Davies është bërë lojtari i parë kanadez që do të luaj në një finale të Ligës së Kampioneve (Davies luan për kombëtaren e Kanadasë), gjithmonë nëse trajneri Flick e aktivizon.