Kryetari i Prizrenit, Mytaher Haskuka, ka mohuar se është duke u negociuar bashkëqeverisja me PDK-në.
“Nuk kemi pas takime lidhur me këtë temë”, ka treguar Haskuka në paraqitjen e fundit në Klan Kosova.
Ai, ka pranuar se është duke qeverisur vetë pas prishjes së koalicionit me Nismën dhe LDK-në.
“Jemi në qeverisje vetë”.
Haskuka tha se opozita nuk mund të rrëzojë nga posti i kryetarit të Prizrenit.
“Opozita nuk mund të më rrëzojë sepse sic e dini kryetari zgjedhet nga qytetarët”.
Ai beson se Prizrenin do ta qeverisë edhe në mandatin e dytë.
“Edhe pas zgjedhjeve të ardhshme do të vazhdoj qeverisjen në Prizren”, shprehet ai, shkruan “PrizrenPress”.
Haskuka është akuzuar nga partitë opozitare për keqqeverisje të Prizrenit.
Kryetari i PDK-së në Prizren, Shaqir Totaj tha se qytetarët janë duke vuajtur pasojat e mungesës së performancës së pushtetit lokal.
Ai, tregon se Auditimi ka evidentuar dështimin e kësaj qeverisje.
“Komunës dhe kryetarit Haskuka ia ka shtuar edhe 22 rekomandime sepse ka “qeverisë mirë “!”, ironizon Totaj.
“Realizimi i investimeve kapitale vetëm 72 %, e ka diskualifikuar komunën e Prizrenit për të pasur të drejtë të pretendojë për grantin e performancës që kryesisht jepet donacion nga shtetet mike”, tha Totaj./PrizrenPresscom/