“Dokufest” ka hapur ftesën për aplikim për kampin dimëror, në të cilin nxënësit e shkollave të mesme do të kenë mundësinë të xhirojnë filmin e tyre dokumentar dhe ta shfaqin atë në edicionin e ardhshëm të festivalit, në një program special për filmbërësit e rinj. Kampi i parë mbahet nga 4 – 6 janar 2014 në Prizren. Nxënësit do të kenë mundësinë të mësojnë për mendimin kreativ dhe trajtimin kreativ të procesit të shkrimit, hulumtimit dhe zhvillimit të tregimeve për film dokumentar si dhe regjinë, kamerën dhe zërimin, editimin dhe post produksionin.
Të drejtë aplikimi kanë të gjithë nxënësit e shkollave të mesme në Kosovë ndërsa aplikacionet pranohen deri me? 20 Dhjetor 2013.
Kampi është pjesë e programit edukativ të DokuFest, si pjesë e projektit “Shkolla dhe filmi dokumentar”, i zbatuar në bashkëpunim me partnerin e DokuFest, One World Festival të Pragës dhe i mbështetur nga Ndihma Kombëtare për Demokraci NED.