Komuna e Prizrenit ka bërë të ditur se Drejtoria e Shërbimeve Publike, në vazhdën e punimeve, ka filluar realizimin e projektit “Vendosja e Shenjëzimit Horizontal dhe Vertikal”, raporton PrizrenPress.
Në kuadër të këtij projekti, në hyrje dhe dalje të Prizrenit janë vendosur shirita vibrues dhe shenjëzime horizontale e vertikale.
Sipas njoftimit, këto punime së shpejti do të realizohen edhe në fshatrat e komunës së Prizrenit.
Përmes këtyre aktiviteteve, Drejtoria e Shërbimeve Publike ka për qëllim rritjen e sigurisë në komunikacion për të gjithë qytetarët./PrizrenPress.com/
