Ish-pjesëtari i UÇK-së Haxhi Shala ka thënë se është ftuar nga Gjykata Speciale në Hagë në cilësinë e të dyshuarit për vrasje.
Shala në Edicionin Special në Klan Kosova ka thënë që është shqetësuar kur e ka marrë këtë lajm. Ai ka pohuar se në Dhomat e Specializuara në Hagë është mbrojtur në heshtje.
“Kam qenë i ftuar si dyshuar për vrasje, ajo ftesë ish gati për të gjithë njësoj. Në fillim u shqetësova, por me të arritur aty e pashë që nuk pati diçka që duhet të diskutoj dhe e shfrytëzova të drejtën time të mbrojtjes në heshtje dhe nuk u intervistova”.
Shala ka theksuar se vetëm 10 minuta ka qëndruar në sallën e intervistimit nga prokurorët.
“Nuk pashë asgjë konkrete rreth meje, që duhej të diskutohej dhe mendova që të mbrohem në heshtje pasi u këshillova edhe me avokatin tim”.
“Kam qenë i dyshuar për vrasje dhe për të diskutuar për ngjarjet e viteve 1998 – 2000”, u shpreh Shala.