Mbetjet ndërtimore që kishte lënë aksioni i rrënimit dhe cmontimit të objekteve në ish-“Kampingun Veror” – Prevalla janë hequr, ndërkohë terreni i degraduar pothuajse një dekad, i është kthyer natyrës.
“Rehabilitimi i kësaj zone nga degradimi disavjecar në emër të shfrytëzimit të përkohshëm që kaloi në atë të përhershëm degradues ishte intervenimi i parë që duhej bërë”, ka thënë ministri Dardan Gashi.
Departamentet përkatëse të MMPH-së janë në përfundim të hartimit të strategjisë së rikthimit në shfrytëzim për qytetarët të zonës së ish Kampingut, por që s’do të ketë karakter si të atij paraprak.
Ish “Kampingu Veror” përbëhej nga 76 ndërtime të forta dhe rreth 100 ndërtime lëvizëse ndërkaq prej disa vjetësh vepronte ilegalisht duke shkelur dhe 2 kontatat e skaduara që kishte pas me Komunën e Prizrenit gjatë viteve 2007-2009 dhe 2009-2011.
Ministri Gashi ka marrë dhe një vendim për rrënimin e të gjitha objekteve pa leje në zonën e quajtur “Fshati Turistik” ku sipas të dhënave janë mbi 20 sosh./PrizrenPress.com/