Kryetari i Lëvizjes Vetëvendosje Albin Kurti, tha se nuk duhet të ketë vonesa në shpalljen e zgjedhjeve të reja.
Kurti tha se duhet të vendoset një legjitimitet i ri në qeveri.
I pari i Vetëvendosjes shtoi se janë në pritje të vendimit nga ana e Gjykatës Kushtetuese.
“Nga menaxhimi i pandemisë në rindërtimin e ekonomisë sonë dhe reformimin e sistemit tonë të drejtësisë, ne kemi shumë punë për të bërë, por jemi gati”.
Gjykata Kushtetuese mbrëmë ka nxjerr një vendim pro kërkesës së Lëvizjes Vetëvendosje, duke shpallur si të pavlefshme votimin në Kuvendin e Kosovës për zgjedhjen e Qeverisë Hoti më 3 qershor, pasi për këtë qeveri kishte votuar edhe deputeti Etem Arifi, i cili kishte një aktgjykim përfundimtar nga Gjykata e Apelit.
Kushtetueja hodhi poshtë votën e deputetit Etem Arifi dhe ka urdhëruar ushtruesen e detyrës së presidentes Vjosa Osmani, që të shpallë zgjedhjet e parakohshme në afat prej 40 ditësh.
Ushtruesja e detyrës së postit të presidentit të Kosovës Vjosa Osmani, sot ka nisur takimet me liderët politikë ku temë diskutim ishin zgjedhjet, ndërkaq takimet do të vazhdojnë edhe gjatë ditës së nesërme.