Policia e Kosovës ka bërë të ditur se ka arrestuar një person dje në Suharekë, pasi që i njëjti në gjendje të dehur ka shkuar në stacion policor dhe ka deklaruar se posedon një armë në veturën e tij e cila ishte e parkuar, raporton PrizrenPress.
Njësiti policor ka konfiskuar armën e gjuetisë me tre fishekë të cal. 12 mm.
Më pas, sipas njoftimit të policisë, me urdhër të prokurorit është bërë bastisja e shtëpisë së të dyshuarit ku është gjetur dhe konfiskuar edhe një armë gjysmë automatike e cal. 7.65 mm një karikatorë dhe 12 fishekë të cal 12.
Me vendim të prokurorit i dyshuari dërgohet në mbajtje./PrizrenPress.com/