Isni Kilaj, ka pritur sot Ragip Begajn. Ai ka uruar Begajn, për fitoren e arritur në zgjedhjet e 3 nëntorit. “E di që ende nuk jeni certifikuar, por kam dashur që zyrtarisht në zyrën e kryetarit të komunës, t’ju uroj për suksesin në zgjedhje dhe për postin e të parit të Malishevës. Ju uroj suksese në qeverisjen e ardhshme dhe uroj të keni punë të mira dhe të suksesshme”, tha Kilaj.
Në anën tjetër, kryetari i ardhshëm i Malishevës,Ragip Begaj, e falënderoi Kilajn, për këtë urim dhe pritje, duke e vlerësuar si gjest shumë të mirë dhe demokratik.
“ Ky gjest duhet të praktikohet edhe në të ardhmen”
“Në rend të parë, jam i kënaqur që fushata është zhvilluar në frymë të mirë, të garës demokratike mes subjekteve në Malishevë dhe se çdo gjë ka shkuar mirë e pa incidente dhe pa fyerje, dhe kjo është diçka shumë e mirë”, tha Begaj.
Begaj, tha se detyrën e kryetarit do të fillojë të ushtroj pas certifikimit të rezultateve, edhe pse kryetari Kilaj, kishte bërë gati zyrën, duke e regjistruar inventarin dhe duke i dorëzuar çelësat e zyrës./PrizrenPress.com/