Sulmuesi francez, Karim Benzema, duket se po mban mbi supe Real Madrid-in dhe numrat tregojnë se ai rreshtohet pas dyshes së Bundesligës, Robert Lewandowski-t dhe Erling Haaland-it.
Benzema është lojtar i rëndësishëm për trajnerin Zinedine Zidane-n, çka e tregoi edhe në ndeshjen ndaj Celta Vigo-s të shtunën, në fitoren 1-3 të Los Blancos. Dy gola mbanin firmën e tij.
Statistikat e Benzema-s tregojnë se francezi ka një gol për çdo 97 minuta. Në total, ka 11 paraqitje dhe 10 gola. Duke e vendosur kështu veten pas Lewandowski-t dhe Haaland-it.
Polaku ka shënuar deri më tani 20 gola, në 15 ndeshje. Mesatarisht për sulmuesin e Bayern Munich-ut është një gol për çdo 63 minuta.
Pas polakut, vjen norvegjezi i Borussia Dortmund-it. Haaland-i ka luajtur 15 ndeshje dhe ka shënuar 15 gola me BVB. Mesatarisht ai shënon një gol për çdo 87 minuta.
I katërti në listë vjen Kylian Mbappe. Ylli i PSG-së ka 10 gola në 13 ndeshje. Duke shënuar mesatarisht një gol për çdo 116 minuta.
Luis Suarez-i përmbyll top 5. Uruguaiani është aktivizuar në 15 ndeshje me Atletico Madrid-in, ku ka shënuar 10 gola. Mesatarisht për El Pistolero-n është një gol për çdo 127 minuta.
Albanianpost.com