Oda e Afarizmit të Kosovës (OAK), për nder të Ditës Botërore të Librit, të premten ka organizuar aktivitet në bashkëpunim me Librarinë “Altera” në Prizren.
Në ambientët e librarisë ” Altera”, për nder të 23 prillit- Ditës Botërore të Librit, është organizuar ky aktivitet kushtuar librit, pjesë e të cilit ishin përfaqësues të institucioneve të ndryshme, shkrimtarë dhe të rinj. Gjuhëtari dhe shkrimtari, Agim Vinca, e vlerësoi të rëndësishëm këtë aktivitet dhe tha se libri duhet t’i afrohet lexuesit. Shkrimtari, Sali Zogjani, tha se një ndër veçoritë e këtij aktiviteti, interesimi i të rinjve pjesëmarrës, si dhe bëri thirrje që libri të lexohet.
Ndërkaq, etnologu Nexhat Çoçaj, tha se nuk mund të thuhet se një ndër arsyet e rënies së leximit të librit, është çmimi i tyre. Ndërkaq, Denis Gafurri, autor i librit ” Suksesi në shitje”, i cili ndodhet në shitje në librarinë ” Altera”, kërkoi organizim më të shpeshtë të kësilloj aktiviteteve kushtuar librit, duke shtuar se ne duhet t’i vëmë në funksion ngjarjet që i mësojmë. Në shënimin e Ditës së Librit nga Prizreni, u bë thirrje nga të gjithë të pranishmit që lexuesi t’i kthehet librit./TV Prizreni/
https://www.facebook.com/Alteraks/videos/844891346099781