Ish-presidenti dhe aktualisht kryetari i Parlamentit të ishujve Maldive, Mohamed Nasheed është plagosur nga një shpërthim që ka ndodhur afër shtëpisë së tij të enjten, kanë bërë të ditur autoritetet zyrtare.
“Kryetari i Parlamentit, Mohamed Nasheed është plagosur dhe është ende duke marrë trajtim mjekësor në spital”, kanë bërë të ditur autoritetet.
Nuk është bërë e ditur saktë se çfarë lëndime ka pësuar i pari i Parlamentit të Maldives mirëpo bashkë me të, për trajtim mjekësor është dërguar edhe një truproj e tij.
Ministri i Punëve të Jashtme të Maldiveve, Abdulla Shahid e ka dënuar sulmin.
“Sulmet e tilla qyqare nuk kanë vend në shoqërinë tonë. Po lutem për presidentin Nasheed dhe të tjerët që janë të plagosur si pasojë e këtij sulmi, dhe po ashtu për familjarët”, ka shkruar Shahid në Tëitter.
Sulmi ka ndodhur jashtë shtëpisë derisa Nasheed, 53-vjeçar ishte duke hyrë në veturën e tij në kryeqytetin Male, kanë bërë të ditur persona të afërt të tij. Ndërkohë, edhe banorët e qytetit kanë thënë se e kanë dëgjuar shpërthimin.
Nasheed ishte vënë në krye të Parlamentit të ishujve Maldive pasi partia e tij kishte fituar zgjedhjet në vitin 2019.