Edhe në zgjedhjet e fundit lokale, shumë emra të atyre që kanë ndërruar jetë vite më parë kanë figuruar në listën e zgjedhësve. Një numër i konsiderueshëm i emrave të personave të vdekur janë gjendur në listën e votimit të zgjedhjeve të fundit lokale. Kjo tregon më së miri se KQZ-ja nuk ia ka dalë që t’i pastrojë tërësisht listat e zgjedhjeve nga emrat e personave që kanë vdekur, transmeton KTV.
Sipas një hulumtimi të bërë nga një organizate joqeveritare që hulumton monitorin e softverëve, më se 300 persona të vdekur figurojnë në listë, e që i bie se teorikisht kanë mundur të votojnë. Se ka emra të shumtë të këtyre personave që figurojnë në listat e votuesve e pranojnë edhe zyrtarët e KQZ-së.
Deri tash, KQZ-ja ka arritur që më se 20 mijë emra të personave të vdekur t’i heqë nga listat e votimeve. Muaj më parë u ngritën shqetësime, pasi që numri i votuesve doli të jetë i përafërt me atë të banorëve.