Kryetari i PDK-së, Enver Hoxhaj në shoqërinë e kryetarit të degës në Prizren, Shaqir Totaj me bashkëpunëtorë, ka përkujtuar martirët e vrarë në Lagjen e Trimave – ish Tusuz të Prizrenit.
Në një postim në Facebook, Hoxhaj ka thënë se “para 22 vitesh u sulmua nga forcat paramilitare serbe njëra nga bazat më të fuqishme të UÇK-së në Prizren”.
Ky është postimi i plotë i Hoxhajt:
22 vite më parë, në 26 majin e vitit 1999 forcat paramilitare serbe sulmuan një ndër bazat më të fuqishme të UÇK-së në qytetin e Prizrenit – Lagjen e Trimave e njohur si Tusuz dhe masakruan pamëshirshëm 27 civilë të pafajshëm. Në hakmarrje ndaj organizmit të armatosur të banorëve të kësaj lagjeje dhe fshatrave të Vërrinit nën udhëheqjen e UÇK-së, forcat serbe nuk i kursyen civilët. Serbia gjenocidiale duhet të mbaj përgjegjësi.
Sot, me bashkëpunëtorë nderuam martirët e Masakrës së Tusuzit, të cilët bënë sakrificën më të madhe duke u flijuar për lirinë e Kosovës.
Lavdi e përjetshme!
