Ministri i Financave, Hekuran Murati ka dhënë detaje lidhur me kalimin në lexim të parë të heqjes së homologimit për veturat që importohen nga jashtë.
Murati, përmes një postimi në rrjetin social “Facebook”, ka thënë se është çështje ditësh deri në leximin e dytë dhe hyrjen në fuqi të ndryshimit të këtij ligji, që do të jetë lehtësim për veturat që importohen nga vendet e BE-së, Zvicra dhe Norvegjia.
“Kalon në lexim të parë heqja e homologimit për veturat që importohen nga BE, Zvicrra, e Norvegjia. Tashmë është çështje ditësh deri në leximin e dytë dhe hyrjen në fuqi të këtij ndryshimi. Më në fund, po hiqet kjo barrë e panevojshme për qytetarët”, thuhet në shkrimin e Muratit.