Milot Rashica do ta vazhdojë karrierën në Premierligë.
Norwich City ka konfirmuar se ka transferuar sulmuesin e Kombëtares së Kosovës nga Werder Bremen.
Klubi anglez, që u rikthyer në Premierligë muaj më parë, ka bërë të ditur se Rashica ka nënshkruar kontratë katër vjeçare, që do ta mbajë në klub deri më 2025.
24-vjeçari i bashkohet Norwich Cityt pas tri sezoneve e gjysmë në Bundesliga te Werder Bremen, ku ka bërë 100 paraqitje dhe ka shënuar 27 gola. /Gazeta Express/