Biletat për finalen ndërmjet Italisë dhe Anglisë, që do të luhet në “Wembley” (Londër) kanë dalë në shitje, teksa arrijnë një çmim deri në 20 mijë paund.
Rregullat e UEFA-s ndalojnë shitjen e biletave të ndeshjes mbi vlerën nominale, ndaj u është bërë thirrje tifozëve që të mos mashtrohen me këto çmime të larta. Por tifozët duan të shikojnë Finalen e madhe, prandaj nuk po bëjnë naze për 20 mijë paund ose 25 mijë euro një biletë!
Kapaciteti i Wembley-it është 90 mijë tifozë, ndërkohë që për këtë ndeshje është vendosur që të lejohen 60 mijë tifozë për shkak të rregullores së Covid.
Vlerat e biletave janë reklamuar fillimisht për 3400 paund, por online çmimet e tyre kanë shkuar në 40 mijë paund (dy bileta) dhe 10 mijë euro për tarifë prenotimi shtesë. Biletat në sektorin e miqve arrijnë deri në 40 mijë 500 paund (dy bileta).