Frizerët e Rahovecit kanë marrë vendim që të rrisin çmimin e qethjes në 3 euro.
Nga e marta qytetarët e kësaj komune do të japin 1 euro më shumë për ta kryer këtë proces. Kjo pas një plani të përbashkët të frizerëve të kësaj komune për ngritje çmimesh, njofton Klan Kosova.
Janë rreth 15 lokale që kryejnë shërbime të tilla e që si arsye japin rritjen e çmimeve të produkteve dhe pajisjeve me të cilat punojnë.
Por, me një veprim të tillë, berberët rahovecas mund të kenë të kenë shkelur Ligjin për Mbrojtjen e Konkurrencës.
Andaj në këtë komunë Autoriteti i Konkurrencës tashmë ka dërguar ekipe të cilat pas vlerësimit mund të marrin vendim për ndaljen e kësaj dukurie.