Ndërmarrja “Vëllezërit e Bashkuar” ndihmoi sot Klubin Futbollistik të femrave “Liria” e Prizrenit.
Kjo ndërmarrje dhuroi pajisje të ndryshme sportive.
Kryetari i KF “Liria” e Prizrenit, Qemal Krasniqi, falënderoi “Vëllezërit e Bashkuar”, për ndihmën e dhënë për futbollistet e këtij klubi.
“Falënderoj ‘Vëllezërit e Bashkuar’ për ndihmën e dhënë. Edhe në të kaluarën kjo firmë ka përkrahur ‘Lirinë’ e Prizrenit. Ky shembull duhet ndjekur edhe nga donatorë të tjerë’, tha Krasniqi.
Pronari i ndërmarrjes, Sefer Susuri tha se kjo ndihmë është shumë modeste.
“Kjo është e pakta për momentin, që mund të bëjmë. Ekipi i vajzave dhe ‘Liria’ në përgjithësi, duhet përkrahur në vazhdimësi. Shpresoj që me këto pajisje modeste, sado pak të kemi lehtësuar punën e trajnerit dhe ekipit të vajzave”, tha ai, duke uruar suksese vajzave.
Trajneri i ekipit të femrave në KF “Liria” të Prizrenit, Naif Jahaj, ka falënderuar donatorin për ndihmën e dhënë.
Ai premtoi se, ekipit të vajzave nuk do t’ju mungojnë sukseset./PrizrenPess.com/
