Policia e Kosovës ka njoftuar për dy raste të dhunës në familje në Malishevë, raporton PrizrenPress
Sipas raportit policor këto raste kanë ndodhur në 24 orët e fundit.
Në njërin rast, i cili ka ndodhur dje është arrestuar një burrë për shkak të dyshimit se në vazhdimësi kishte ushtruar dhunë psikike ndaj bashkëshortes së tij, e cila kishte vendosur të largohej nga shtëpia.
Nga i dyshuari është sekuestruar një pistoletë dhe i njëjti pas intervistimit me urdhër të prokurorit është liruar në procedurë të rregullt.
Edhe në rastin tjetër, i cili ka ndodhur po në të njëjten ditë rreth orës 12:25 është arrestuar burri për shkak se kishte ushtruar dhunë fizike ndaj bashkëshortes së tij.
Viktima ka pranuar tretman mjekësor, kurse i dyshuari me vendim të prokurorit është dërguar në mbajtje për 48 orë./PrizrenPress.com/
