Kandidati i LDK-së për kryetar të Prizrenit, Anton Quni, ka ftuar qytetarët që më 17 tetor të votojnë për kuvendare kandidaten, Afërdita Morina-Biffar.
Sipas tij, Morina-Biffar, ka një biografi të pasur që i duhet Prizrenit.
Postimi
– Zëdhënësja e Degës së LDK-së, anëtare e Kryesisë dhe Kryetare e Nëndegës “Lagjja e Trimave” është pjesë e ekipit tim me të cilin synojmë fitoren tonë të madhe, për të qeverisur mirë e suksesshëm me Komunën e Prizrenit.
– Afërdita është e diplomuar në Shkenca Politike në drejtimin – Administratë Publike.
Me përvojën e saj shumëvjeçare në medie, (Radio e Televizion), si dhe në menaxhimin e një institucioni privat parashkollor, ajo kësaj radhe po e kërkon besimin tuaj për Kuvendare, me zotimin se do të bëhet zë i fuqishëm përfaqësues në artikulimin e kërkesave dhe shtyerjen përpara të iniciativave të komunitetit për të mirën e përgjithshme.
Afërdita, është grua e fortë dhe e guximshme, energjike dhe shumë e zëshme për të mirën e përgjithshme.
Ajo është nënë e një djali shembullor dhe bashkëshorte e Ulrich-ut, mikut/kolegut tim, oficerit të KFOR-it gjerman e ish-zyrtarit të OSBE-së për Rend dhe Siguri Publike në Kosovë dhe drejtuesit të Qendrave Rajonale për Gjilan e Prizren.E bindur se Prizreni dhe prizrenasit meritojnë të qeverisen e përfaqësohen më mirë, Afërdita zotohet se në fokusin e saj si Kuvendare, do të jenë barazia gjinore dhe avancimi i pozitës së grave dhe vajzave të reja, problematikat ambientaliste, të arsimit, sidomos atij parafillor si dhe interesat e kategorisë së qytetarëve në moshë të shtyer Afërdita, paq fat e mbarësi në këtë sfidë!
LDK/Sponsorizuar/