10.8 C
Prizren
E enjte, 15 Maj, 2025

Analistët amerikanë: Kosova ruajti sovranitetin dhe tërësinë territoriale

Shpia e bardh-usaAnalistë dhe politikanë amerikanë kanë deklaruar se me Marrëveshjen e 19 prillit në Bruksel, Kosova ka arritur ta ruajë tërësinë territoriale dhe sovranitetin brenda kufijve të saj. Dhe përkundër deklaratave që s’pushojnë të udhëheqjes serbe, megjithatë nuk pati ndarje dhe as këmbime territoriale.

“Kjo vërtetë është arritje historike”, ka thënë kohë më parë analisti amerikan, ish zyrtar i Departamentit të Shtetit, James Hooper, transmeton RTK. Marrëveshja është quajtur historike edhe për stabilitetin afatgjatë të Ballkanit si një rajon i trazuar gjatë gjithë shekullit dhe sidomos gjatë viteve të nëntëdhjeta.

Mirëpo në SHBA, varësisht nga të menduarit apo pozicionimi politik, ka pasur edhe vlerësime ndryshe të marrëveshjes, siç është ai i kongresistit republikan, Dana Rohrabacher, sipas të cilit ‘marrëveshja nuk ka sjell paqe afatgjate në rajon’ dhe se ‘një marrëveshje shumë më e mirë të ishte rregullimi ose korrigjimi i kufijve.’

Washingtoni zyrtar, por edhe të tjerë analistë nuk pajtohen me kongresistin Rohrabacher dhe mendojnë se shkëmbimi i territoreve do të sillte jostabilitet në Bosnjë, Maqedoni dhe në Serbi.

“Marrëveshje ka kërkuar kompromis dhe guxim politik nga të dyja palët,” pati deklaruar Sekretari Amerikan i Shtetit, John Kerry.

Analistë të tjerë mendojnë se marrëveshja do të jetë vërtet historike nëse ajo rezulton më në fund me ‘normalizimin e plotë të marrëdhënieve, përfshirë edhe njohjen eventuale midis Kosovës dhe Serbisë’ dhe afirmimin e plotë ndërkombëtar të Kosovës, përfshirë anëtarësimin në Kombet e Bashkuara.

Më Shumë

Komuna e Prizrenit nis prokurimin për rehabilitimin e ujësjellësit dhe kanalizimit, vlera 1.5 milion euro

Komuna e Prizrenit ka iniciuar aktivitetin e prokurimit për rehabilitimin e kanalizimit dhe të ujësjellësit në pjesët kryesore të qytetit. Vlera e parashikuar e mjeteve...

Me pizhame në mes të flakëve – Nëna shpëton familjen nga zjarri në Savrovë

Në orët e para të mëngjesit, në kohën kur e gjithë familja ishte në gjumë, zjarri ka kapluar një shtëpi në fshatin Savrorë të...

Lajmet e Fundit