Të paktën 23 persona gjetën vdekjen duke u mbytur, pasi një autobus që po udhëtonte në Kenia-n qendrore u rrëzua nga një urë, duke përfunduar në një lum.
Guvernatori i Kitui-it, Charity Ngilu, tha se operacioni për gjetjen e trupave do të rifillojë të dielën në mëngjes.
Sipas tij, po bëhet gjithçka për kërkimin dhe shpëtimin e tyre.
12 persona u shpëtuan, duke përfshirë këtu katër fëmijë. Mbetet e paqartë se sa pasagjerë ndodheshin në autobus.
Anëtarët e korit të Kishës Katolike Mwingi kishin qenë duke udhëtuar për dasmën e kolegut të tyre, kur aksidenti ndodhi.
Dëshmitarët thanë se shoferi po përpiqej të kalonte ujërat duke kaluar mbi urë, por forca ishte shumë e fortë, duke e fshirë autobusin nën rrymën e rrjedhës.
Zëvendëspresidenti, William Ruto, ishte ndër ata që shprehu ngushëllimet e tij dhe gjithashtu u kërkoi shoferëve të bënin kujdes në rrugët ku shumë pjesë të Kenias po përjetojnë shi të dendur.
Zyrtarët thanë se ngjarja është nën hetim.
/Albanianpost.com