Klubi i Aston Villa-s vazhdon të jetë aktive në këtë afat kalimtar dimëror.
Pas transferimit të Philippe Coutinho-s, Villa tani konfirmoi edhe afrimin e mbrojtësit Lucas Digne nga klubi i Everton-it.
“Aston Villa ka kënaqësinë të njoftojë nënshkrimin e Lucas Digne nga Everton”.
“Reprezentuesi francez, i cili ka përfaqësuar klube elitare të futbollit evropian si PSG, Roma dhe Barcelona, ??bëhet nënshkrimi ynë i dytë i afatit kalimtar të janarit”, thuhet në njoftimin e Aston VIlla.
?? @LucasDigne will wear #??2??7?? for Aston Villa! ?
— Aston Villa (@AVFCOfficial) January 13, 2022
Shifrat e transferimit nuk janë bërë zyrtare, por Aston Villa thuhet se ka paguar 25 milionë funte apo rreth 30 milionë euro për transferimin e francezit.
Digne së fundmi ishte pjesë e Everton-it që nga viti 2018, kur u transferua nga Barcelona për shumën e 21 milionë eurove.
Ndërkaq, 28 vjeçari u bë i njohur në vitin 2013, kur u transferua nga skuadra e Lille në klubin e Paris Saint Germain.
Digne gjithashtu numëron edhe 43 paraqitje zyrtare me kombëtaren e Francës.
/Albanianpost.com