Maurizio Zamparini, ish-presidenti i skuadrës së Palermo-s ka ndërruar jetë në moshën 80-vjeçare. Ai ishte shtruar në spital pas disa komplikimeve që kishte pasur pas operacionit që kishte kryer në bark.
Ish-presidenti u nda nga jeta në orët e para të mëngjesit të kësaj të marte, në klinikën Cotignola, në provincën e Ravenës.
Zamparini e drejtoi Palermo-n në dy periudha. Nga 21 korriku 2002 deri më 27 shkurt 2017 dhe nga 4 korriku 2017 deri më 1 dhjetor 2018.
Më herët ai kishte qenë presidenti i klubit të Venezia-s, që aktualisht është pjesë e Serie A. Pasi shiti Venezia-n në vitin 2002, ai bleu klubin nga Serie B, Palermo-n.
Në sezonin 2003/04, Palermo u ngjit në Serie A. Gjatë periudhës që Zamparini ishte në krye të Palermo-s, klubi arriti kualifikimin në Kupën UEFA dhe Europa League.
Fituesit e Kupës së Botës me Italinë, Christian Zaccardo, Fabio Grosso, Luca Toni dhe Andrea Barzagli, luajtën për Palermo-n. E njëjta gjë vlen edhe për Edinson Cavani-n dhe Paulo Dybala-n.
Formacioni më i mirë i Palermo-s së Zamparini-t (4-3-1-2): Sirigu; Zaccardo, Barzagli, Kjaer, Grosso; Pastore, Vazquez, Ilicic; Dybala; Toni, Cavani.
/Albanianpost.com
