Kryetari i Bashkimit Demokratik (BD), Zafir Berisha, paralajmëron se subjekti i tij politik, do të jetë një opozitë e fortë në Prizren. Ai thotë se BD-ja nuk do të ndalet dhe se do të punojë për të ndryshuar gjendjen e keqe në këtë komunë.
“Përpjekjet tona për ndryshime do të vazhdojnë. Për këtë e kemi hedhë një hap të madh në zgjedhjet e fundit”.
“Ne do të vazhdojmë angazhimin tonë duke e trajtuar qeverinë e të pandehurit Ramadan Muja si një qeveri që në pushtet ka ardhë me vota të tjetërsuar në mënyrë të dhunshme”.
“Kjo qeveri nuk është e zgjedhur nga vullneti i mirëfilt i qytetarëve”.
Zafir Berisha thotë se qytetit të Prizrenit, deri më tash i ka munguar një opozitë e mirëfilltë.
“BD-ja do të veprojë sipas qëndrimeve politike, të cilat i dinë qytetarët. Do të veprojmë në përputhje me programin, i cili në zgjedhjet e fundit është mbështetur bukur mirë nga qytetarët”.
“BD-ja në Asamblenë Komunale do të jetë konstruktive.Do të jep ide që i mungojnë pushtetit”.
Kryetari i BD-së, Zafir Berisha thotë se subjekti i tij politik edhe nga pozicioni i opozitës do të bëjë çdo gjë që të zbardhen keqpërdorimet e pasurisë publike që i ka bërë “Qeveria Muja”.
“Prioritet do të jetë zbardhja e shumë çështjeve të dyshimta, që kanë të bërë me keqpërdorim të parasë dhe pasurisë puplike, që janë bërë nga garnitura e të pandehurit Ramadan Muja. Do të kërkojmë sqarime për shumë projekte që janë bërë në kundërshtim me ligjin”. /PrizrenPress.com/