Luka Modric ka rinovuar kontratën me klubin e tij, Real Madrid-in edhe për një sezon tjetër.
Lajmin e ka bërë të ditur vetë klubi spanjoll, të cilët njoftuan se kroati do të mbetet të paktën edhe për një sezon në Madrid.
“Real Madrid CF dhe Luka Modric kanë arritur një marrëveshje për të zgjatur kontratën e lojtarit deri më 30 qershor 2023”, thuhet në njoftim.
Së bashku me klubin mbretëror, Modric ka fituar pesë trofe të Ligës së Kampionëve, tri La Liga, katër Kupa të Botës për klube, tri Superkupa Evropiane dhe një Kupë të Mbretit.
/Albanianpost.com