Chelsea ka arritur marrëveshjen me Marc Cucurella-n për transferimin e tij në “Stamford Bridge”. Spanjolli kërkohej me ngul dhe nga Pep Guardiola te Manchester City.
Cucurella-s iu deshën vetëm 35 ndeshje në Premier League dhe vetëm tre në kupat angleze për të trefishuar vlerën e tij nga 18 milionë euro që Brighton i pagoi Getafe-s në gusht 2021.
Blutë janë gati të paguajnë vlerën e tij prej 50 milionë eurosh tashmë.
Siç raportoi Fabrizio Romano të martën, Cucurella ka rënë dakord për kushtet personale me Chelsea-n dhe tani gjithçka që mbetet është që të dy klubet të finalizojnë marrëveshjen.
Londinezët thuhet se do të përfshijnë në marrëveshje dhe Levi Colwill. 19-vjeçarin që aktivizohet dhe me Anglinë U-21.
Pas Raheem Sterling dhe Kalidou Koulibaly, Cucurella pritet të jetë afrimi i tretë i Chelsea-t këtë merkato. Megjithatë ata ende kanë nevojë për përforcime, sidomos në qendrën e mbrojtjes.
Denzel Dumfries i Inter-it dhe Josko Gvardiol i Leipzig janë objektiva të reja.
/Albanianpost.com