Kampioni aktual i Kosovës, Ylli, ka vazhduar me serinë e keqe edhe sonte, duke u mposhtur për herë të katërt radhazi këtë stinor në kampionat, ndërsa kanë qenë viktima të Prizrenit.
Prizreni në anën tjetër, ka shënuar fitoren e dytë rresht dhe atë bindshëm duke dominuar në tri cerekët e parë të ndeshjes, për t’i lënë kundërshtarëve pak hapësirë në fund, sa për zbutje të rezultatit, në ndeshjen që përfundoi 98-82 [24-11, 23-14, 29-25, 22-32].
Dachon Burke ka shënuar 30 pikë për ekipin e tij, ndërsa Wayne Arnold 28 pikë e 9 kërcime për fitoren e Prizrenit. Arnold shënoi 8/14 për tri pikë.
Ivan Koljevic kreu lojën me double-double, duke shënuar 17 pikë e 13 asistime, ndërsa shutoi 3/4 për tri pikë.
Te Ylli Henrik Sirko me 19 pikë, 5 kërcime e 3 asistime ka qenë ndër lojtarët më të dalluar të skuadrës, ndërsa koshashënuesi më i mirë i tyre u bë Bashir Ahmed, që shënoi 26 pikë e 5 kërcime në ndeshje.
Pas kësaj ndeshjeje Prizreni bën bilancin 2-2 në Superligë, ndërsa Ylli që futet në duelet e Superkupës Mbarëkombëtare pas disa ditës, në Superligë ka bilancin më të keq, 0-4.