Kryetari i Lëvizjes Vetëvendosje! në Prizren, Arbër Rexhaj, vitin 2013-të e ka vlerësuar pjesërisht të suksesshëm. Ai ka pranuar se rezultati i zgjedhjeve të 3 nëntorit nuk ka qenë i mirë për Vetëvendosjen në Prizren.
“ Rezultati i zgjedhjeve ka qenë i dobët”, ka thënë Rexhaj.
Ai premtoi se Vetëvendosje! do të jetë zëri i fuqishëm në Kuvendin Komunal të Prizrenit.
“Si opozitë në Legjislativ do të jemi mjaft konstruktiv dhe zëri i fuqishëm për të demaskuar çdo të keqe që i dëmton interesat e Komunës dhe qytetarëve”.
Këshilltarja e Asamblesë Komunale, Drita Millaku,tregoi se angazhimet e para të asamblistëve të VV-së do të janë luftimi i dukurive negative në sektorin e arsimit si dhe keqpërdorimet me pronën publike.
Lëvizja Vetëvendosje! në Prizren, premtoi vitin e ardhshëm do të ristrukturohet.
“ Vitin e ardhshëm ne do të ristrukturohemi si parti dhe besojmë në shtrirje më të gjerë në Prizren”/PrizrenPress.com/