Një person i armatosur ka vrarë disa persona dhe ka plagosur disa të tjerë në një supermarket Walmart në Chesapeake, në shtetin amerikan të Virxhinias, thotë policia.
Siç raportojnë mediat e huaja, përcjell Telegrafi, një burrë që besohet të jetë menaxheri i dyqanit hapi zjarr, më pas ktheu armën kundër vetes dhe tani ka vdekur.
Qyteti i Chesapeake shkroi në Twitter: “Policia konfirmon një incident aktiv të të shtënave me viktima në Walmart”.
Ka pak detaje, por një oficer policie foli për 10 persona të vrarë dhe shumë të plagosur.
Deri më tani nuk dihet motivi i sulmit.
Senatorja e shtetit të Virxhinias, Louise Lucas tha se ajo ishte “absolutisht e prekur” nga ato që ajo i përshkroi si “të shtënat masive të fundit në Amerikë”.
Ajo shtoi në Twitter: “Nuk do të pushoj derisa të gjejmë zgjidhjet për t’i dhënë fund kësaj epidemie të dhunës me armë në vendin tonë”