Trajneri i Milan-it, Stefano Pioli ka publikuar emrat e përzgjedhur për rikthimin e kuqezinjëve në Champions League.
Zlatan Ibrahimovic mbetet jashtë asaj liste të Milan-it. Ky është vendimi i Pioli-t, pavarësisht se rikthimi i kampionit suedez po afrohet gjithnjë e më shumë.
Trajneri i kuqezinjve bëri vetëm një zëvendësim për rikthimin në Champions League, me ndeshjen kundër Tottenham-it të Antonio Conte në raundin e 16-të: Malick Thiaw brenda dhe Sergino Dest jashtë.
Sa i përket situatës së portierëve, Ciprian Tatarusanu dhe Antonio Mirante janë në listën A. Mungon Mike Maignan i cili megjithatë mund të përfshihet në listë deri në 24 orë para ndeshjes së parë kundër Spurs.
Ndeshja e parë mes Milan-it dhe Tottenham-it do të zhvillohet më 14 shkurt në “San Siro”, duke filluar nga ora 21:00.
/Albanianpost.com