Manchester United do të duhet të paguajë të paktën 90 milionë paund nëse dëshiron të nënshkruajë me sulmuesin e Napoli-t, Victor Osimhen, sipas raportimeve.
United do të kërkojë të blejë një sulmues në merkaton e verës, me Wout Weghorst të Burnley-t që është huazuar si një zëvendësues i shpejtë pas largimit të Cristiano Ronaldo-s.
Osimhen është aktualisht një nga sulmuesit më të kërkuar pas formës së tij të mirë me Napoli-n dhe klubet e interesuara do të duhet të paguajnë një tarifë të konsiderueshme për ta blerë atë këtë verë.
Sipas “ESPN”, ai do t’i kushtojë United të paktën 90 milionë paund, me gjigantët e Ligue 1, Paris Saint-Germain gjithashtu që mendohet të jenë të interesuar.
Osimhen ka qenë një pjesë jetike e historisë së suksesit të Napoli-t këtë sezon, me reprezentuesin nigerian që ndihmoi klubin për tu ngjitur në krye të Serie A me 13 pikë diferencë nga vendi i dytë.
24-vjeçari kryeson listën e golashënuesve në kampionat këtë sezon me 14 gola.
Osimhen iu bashkua Napoli-t nga Lille në vitin 2020 për 62.4 milionë paund, me 43 gola në 82 paraqitje në të gjitha garat që atëherë.
Kontrata e tij me skuadrën e Luciano Spalletti-t skadon në vitin 2025 dhe bisedimet për një marrëveshje të re mendohet se nuk janë zhvilluar ende.