Kompania Kosovare për Distribuim të Energjisë Elektrike në Kosovë (KEDS) ka njoftuar të dielën se për shkak të erërave të forta, janë dëmtuar përçues elektrikë dhe shtylla elektrike në disa vende.
Me këtë rast, një numër i caktuar i konsumatorëve kanë mbetur pa furnizim me energji elektrike.
KEDS-i ka bërë të ditur se ka shtuar ekipet në terren në mënyrë që të sanojnë dëmet e shkaktuara.
“Erërat e forta që filluan dje në disa rajone të Kosovës, kanë vazhduar edhe sot thuaja në tërë territorin e Kosovës. Kërkojmë mirëkuptimin e konsumatorëve tanë në këto zona të afektuara nga erërat dhe shpresojmë se në një afat sa më optimal gjendja me furnizim me energji elektrike do të kthehet në normalitet”, ka njoftuar KEDS-i.