Mbrojtësi i Eintracht Frankfurt-it, Evan Ndicka, ishte objektivi i Milan-it. Kuqezinjtë tentuan transferimin e tij në dy afatet kalimtare të fundit, por nuk arritën ta gjejnë marrëveshjen me klubin gjerman.
Megjithatë, duket se Ndicka nuk do të bëhet i kuqezinjve, pasi që Roma tani ka avancuar për transferimin e tij.
Ndicka mund të zyrtarizojë transferimin e tij të lirë te Roma deri në fund të këtij muaji pas një takimi pozitiv të fundit mes agjentëve të tij dhe klubit.
Kontrata e mbrojtësit 23-vjeçar francez skadon në fund të këtij sezoni dhe marrëveshja e tij nuk do të rinovohet, duke e bërë atë të disponueshëm si një transferim i lirë në verë.
Ndicka gjithashtu kishte shpresuar që Barcelona të bënte një lëvizje, por mungesa e përpjekjeve të tyre e ka shtyrë atë të lejojë agjentët e tij të punojnë për një marrëveshje me Romën.
Një projekt-marrëveshje është hartuar tashmë, një marrëveshje katërvjeçare me vlerë rreth 2 milionë euro neto në sezon plus shtesa.
“Calciomercato” detajon sesi agjentët e Ndicka-s ishin në Trigoria pak ditë më parë, ku biseduan dhe u përqafuan me trajnerin e Romës, Jose Mourinho-n.
Ishte një takim pozitiv dhe një tjetër shenjë se francezi do të shkonte drejt kryeqytetit italian në fund të sezonit.
Disa zëra sugjerojnë se ai tashmë ka kryer disa teste fillestare mjekësore në Austri, në një klinikë të lidhur me Friedkins, por kjo nuk është konfirmuar. Albanian Post