26-vjeçarja Gabriella Gonzalez u qëllua në kokë në një parking nga 22-vjeçari Harold Thompson pasi ajo abortoi në një shtet tjetër, thotë policia e Dallas.
Ai u burgos i akuzuar për vrasje që nga e premtja.
Teksasi i ndaloi abortet pas afërsisht gjashtë javësh shtatzënie në shtator 2021. Por pothuajse të gjitha abortet janë ndalur në Teksas me përjashtim të rasteve të urgjencës mjekësore.
“Besohet se i dyshuari ishte babai i fëmijës”, thuhet në deklaratë. “I dyshuari nuk donte që Gonzalez të bënte një abort.”
Videoja e vëzhgimit nga parkingu tregon se Gonzalez e shtyen dhe të dy vazhdojnë të ecin, tha policia. Thompson pastaj nxjerr një armë dhe qëllon Gonzalez në kokë. Ajo bie në tokë dhe Thompson e qëllon disa herë përpara se të ikë, thuhet në deklaratë, raporton The Guardian.
Thompson u arrestua më vonë të mërkurën dhe po mbahet në burgun e qarkut Dallas.