Një grua dyshohet se ka sulmuar fizikisht vjehrrën e saj.
Rasti ka ndodhur në fshatin Lubinje e Poshtme.
Burimet e Gazetës Sinjali kanë bërë me dije se viktima ka kërkuar ndihmë mjekësore në Emergjencën e Spitalit Rajonal në Prizren, pasi kishte marrë lëndime në kokë si pasojë e goditjeve me një shkop druri.
Njësitë policore janë njoftuar lidhur me rastin dhe kanë dalë menjëherë në vendin e ngjarjes, ku kanë marrë dëshminë e viktimës.
Ndërkohë e dyshuara është arrestuar dhe është shoqëruar në stacion policor ku është intervistuar nga organet e hetuesisë.
Me urdhër të prokurorit, rasti është cilësuar ‘Dhunë në familje’ dhe sulmusja është dërguar në mbajtje.