Ylli i Milan-it, Rafael Leao, i ka tërbuar tifozët e Juventus-it duke e futur fanellën e tyre nën pantallona.
Pas ndeshjes që Milan-i e mposhti Juventus-in me rezultat 0:1, Leo shkëmbeu fanellat me një nga lojtarët e bardhezinjve, por e vendosi në një vend që në plan të parë dukej një provokim ndaj klubit torinez.
23-vjeçari e futi fanellën bardhezi nën pantallonat e tij, veprim ky që ngjalli zemërim nga tifozët e “Zonjës së Vjetër”.
Por, nuk ka vonuar shumë dhe ka ardhur reagimi i portugezit, i cili përmes një postimi në rrjetet sociale, ka thënë se nuk ka dashur ta fyejë klubin.
“Nëse ndonjë fans është ndjerë i pa respektuar që kam futur bluzën brenda pantallonave të shkurtra, kërkoj ndjesë, nuk ka qenë qëllimi im të përcjellë asnjë lloj mos-respekti, përkundrazi i respektoj të gjitha klubet! Forza Milan”, ka shkruar Leao në Twitter.
Duket se ky gjest i Leao-s ka ngjallur një rikujtim te Juventus-i – kur David Beckham sa ishte lojtar i Milan-it e kishte bërë thuajse të njëjtën gjë.
Ndërkohë, vlen të ceket se golin e vetëm të fitores në ndeshjen e fudnit e shënoi sulmuesi i Milan-it, Olivier Giroud, duke ia dhënë tre pikët kuqezinjve që ia sigurojnë pjesëmarrjen në Ligën e Kampionëve për sezonin e ardhshëm. Albanian Post