Manchester United po synon transferimin e futbollistit holandez të PSV Eindhoven-it, Xavi Simons.
Sipas asaj që shkruan “Sky Sport” United do të tentojë gjatë kësaj vere për ta trasnferuar mesfushorin e Holandës.
Raportohet se oferta fillestare e “Djajve të Kuq” në drejtim të ekipit holandez do të jetë 30 milionë euro plus bonuse për ta liruar 20-vjeçarin.
Simons ka kontratë të vlefshme me PSV-në deri në verën e vitit 2027, andaj gjigandët holandez raportohet se kërkojnë mbi 40 milionë euro për ta liruar futbollistin e tyre.
Mesfushori 20-vjeçar pati paraqitje shumë të mira në këtë sezon me PSV-në duke shënuar 22 gola dhe duke dhuruar 12 asistime në 48 ndeshje në të gjitha garat.
Kujtojmë që ai është futbollist i dalë nga akademia e klubit të Barcelonës, derisa karrierë bëri edhe te PSG para se të transferohej tek ekipi holandez.
Ai deri më tani numëron edhe katër paraqitje zyrtare me Kombëtaren A të Holandës, derisa ishte edhe pjesë e grupmoshave të reja. Albanian Post