Kryeministri i Kosovës, Albin Kurti sot në mbledhjen e Qeverisë së Kosovës tha se grupi i armatosur ka pasur armatim në vlerë mbi pesë milionë euro dhe sasi të mjaftueshme për një grup prej qindra luftëtarëve dhe me ketë është dëshmuar skenari për gjakderdhje në Kosovë.
“Aty janë përshirë individë të sanksionuar nga SHBA-të dhe Mbretëria e Bashkuar për aktivitete kriminale. Ata janë në kërkim nga institucionet e Kosovës të drejtësisë për vepra penale në Kosovë. Ata shfaqin në krah e përkrah në një tryezë në Rashkë e Beograd me presidentin e Serbisë Vuçiq dhe duke paralajmëruar rolin e drejtpërdrejt të shtetit serb në këtë mes”, tha Kurti, raporton RTKlive.
Kryeministri i Kosovës, Albin Kurti, vlerësoi profesionalizmin e lartë të Policisë së Kosovës në aksionin kundër terroristëve në veri të vendit.
Reklamë
