Fitore Zenelaj ka dalë fitimtare në luftë me kancerin e gjirit. Ajo e kuptoi se ka kalcinomë në vitin 2019 në kulmin e pandemisë. Udhëtimet për ekzaminim e pastaj edhe mjekim i bëri në kohë të vështirë, kur nuk lejohej të qarkulloje lirshëm në rrugët e vendit..

Thotë se e pati të vështirë fillimin, por mblodhi forcat për ta mundur këtë sëmundje.

Burbuqe Gashi u prek nga kjo sëmundje që në vitin 2005. Atëkohë trajtimi në Kosovë ishte shumë i vështirë.

Institucionet shëndetësore thonë se po bëjnë shumë që këtyre pacienteve t’ua lehtësojnë sadopak mjekimin.

“Ministria e shëndetësisë edhe për vitin 2023 e ka rritur buxhetin në 300 milion. Ka bërë përmirësime të shërbimeve onkologjike dhe ka siguruar pajisjet e teknologjisë së fundit për radio – terapi”, tha Arsim Berisha – zv. ministër i shëndetësisë

Sipas drejtoreshës së Spitalit Rajonal  Narqize Arënliu,  edhe në Prizren, së shpejti pacientët mund të marrin kimioterapinë venoze, pasi ajo tabletare ka filluar tashmë.

“Jemi në bisedime me ministrinë e shëndetësisë dhe SSHKUK-në, për vazhdimin e dhënies së kemioterapisë intravenoze në Prizren pasi që spitali i Prizrenit mbulon një regjion mjaft të madh të Kosovës”, tha Narqize Arënliu – Drejtoreshë e Spitalit Rajonal – Prizren

Numri i grave të prekura nga kanceri është në rritje, thonë njohësit e kësaj sëmundje.rtk

“Eli –Edona”, mobilieria me oferta më të mira në Prizren