Kryetari i Komunës së Rahovecit, Smajl Latifi, ka marrë pjesë në vendosjen e gurthemelit të Qendrës Rinore dhe Kulturore në këtë komunë.
Sipas kryetarit Latifi, ky objekt modern do të gjallërojë jetën kulturore dhe aktivitetet e rinisë në komunën e Rahovecit.
Objekti ka një sipërfaqe totale prej 6,203.24 m2, salla universale/auditorium, me rreth 400 ulëse, zhveshtore dhe salla për prova etj.
“Shkolla e Muzikës me sipërfaqe prej 780.0 m2 për shumë qëllime, studio për kërcim, klasa amë, klasa për balet, salla për instrumente dhe administratë; Qendra për Inovacion dhe Teknologji me sipërfaqe prej 415.0 m2, me përmbajtje, si: laborator, punëtori, sallë për takime dhe trajnime, zyrë të hapura dhe të ndara; Biblioteka me sipërfaqe prej 420.0 m2, ku përfshihen sallat për lexim grupor dhe individual, skedarët, ekspozimi i librit, fototeka, sallë për kompjuterë; Galeri të arteve; Kafetari me kuzhinë dhe tarracë të jashtme; Administrata e objektit 145.0 m2; Parking nëntokësor dhe të jashtëm, gjithsej 54 vende. Vlera e kontratës është: 2,982,584.55 euro”, ka njoftuar Komuna e Rahovecit.