Drejtori sportiv te Liria e Prizrenit, Enis Gashi ka dhënë dorëheqje nga detyra që e ka ushtruar.
Njoftimin e ka bërë klubi prizrenas nëpërmjet faqes së vet në rrjetin social Facebook.
“Pas një periudhe një vit e gjysmë, kam vendosur të jap dorëheqje. Gjatë kësaj kohe kishim momente të bukura, por dhe të rënda. Falenderoj pronarin, Raman Kiçe, menaxhmentin, tifozët ‘Arpagjik’t’, si dhe uroj klubin për të dalur nga kjo situatë”, është shprehur Gashi. “Suksese klubi im”.
Liria gjendet e fundit në renditjen tabelare të Superligës së Kosovës. Të dielën skuadra prizrenase është mposhtur nga Llapi me rezultat 2-0.