Kryetari i Partisë Republkane në Serbi, Nikolla Sandulloviq, është rrahur brutalisht nga Shërbimi Sekret i këtij vendi, pasi kishte deklaruar se ka kërkuar falje për krimet e kryera në Kosovë.
Sandulloviq po ashtu e kishte postuar edhe një fotografi nga Kompleksi Memorial në Prekaz duke bërë homazhe tek varrezat e Jasharëve.
Rreth kësaj ngjarje është deklaruar deputeti i Kuvendit të Kosovës, Haxhi Avdyli.
Avdyli tha se ideologjia dhe mentaliteti i Serbisë nuk ka ndryshuar.
Ai theksoi se ky duhet të jetë alarm për bashkësinë ndërkombëtare.
“E njëjta gjë ka qenë edhe në vitet e 90-ta kur janë vrarë politikanët opozitarë si Stambolliqi, pastaj vrasja e Gjingjiqit, pastaj disa herë është bërë atentat ndaj një politikani i cili e pranon realitetin, e njeh Republikën e Kosovës dhe ka bërë vizita edhe në Prekaz”, tha Avdyli në Edicionin Special në Klan Kosova.